Wunnen
Wou wunnt een am beschten?
Eis perséinlech Erfarung ass, dass een am beschten an den Bezierker 2-9 &12 wunnt well vun hei den Stadzentrum gutt zufous erreechbar ass . Wann een lo bëssen méi bëlleg Wunnengen sicht, dann kann een och an Außenbezierker ronderëm den Gürtel kucken, zum Beispill den 15. oder 16. Bezierk, och vun hei kennt en mat den ëffentlechen Transporter relativ séier an den Stadzentrum .
Vill Studenten, déi op der VetMedUni studéieren, déi e bëssen méi ausserhalb läit, wunnen dann och an der Géigend vun der Uni am 21. Bezierk.
Allgemeng ass et gutt ze kucken wou deng Uni/Fakultéit leit an dech dorun bei der Wunnengssich ze inspiréieren.
Wou fannen ech Wunnengen?
Wunnengen fënns de zum Beispill op all méiglech Internetsäiten. Wann s du eng Wunneng sichs kanns du zum Beispill an eisen Facebook Gruppen kucken, do gin ëmmer rëm Wunnengen vun aaalen Studenten frei, oder du kanns hei froen ob villäicht eppes an dengem Budget frei gëtt.
Et gi och vill Internetsäiten op deenen sdu de eng Wunneng fannen kanns: flatbee.at, immobilienscout24.at, willhaben.at, immowelt.at
Sport
Wou kann ech Sport maachen?
Vun der Uni gëtt et den USI Sport. Sie bidden all méiglech Sportaarten un, vun Kampfsport bis Fitness, Danzen, Ski fueren oder och Gruppensport. Vill Kueren sinn immens beléift an dowéinst soll een am viraus wëssen wat een well maachen fir sech dann rechtzäiteg umellen ze kennen. Präisser hänken vun Kuer zu Kuer of mä déi meescht leien tëscht ca. 20€ bis 100€. Umellen kanns de dech entweder online op usi.at oder bei enger Kassa (aktuell wéinst Corona zou).
Et gëtt awer och eng LSW Sport Grupp, an deis de draschreiwen kanns, op een zum Beispill Loscht huet Basket spillen ze goen.
Gesondheet
Sichs du een Dokter?
Dann fro am beschten einfach an LSW Facebookgrupp, d’Warscheinlechkeet dass een schonn eng Kéier zu Wien bei engem Dokter war, ass relativ grouss.
Kann ech mat der lëtzebuergescher Krankekeess och zu Wien bei een Dokter goen?
Zu Wien huele verschidden Dokteren nëmmen eng bestëmmten Krankekeess un. An dem Sënn muss du oppassen, dass wann s du zu Wien bei een Dokter gees hien all Krankekeesen (Alle Kassen) unhëlt.
Wanns du zu Lëtzebuerg verséchert bass, an deng Krankekeesskaart virweis muss du bei engem “Alle Kassen” Dokter normalerweis neicht sur place bezuelen, mee si schécken Rechnung direkt weider un deng Krankekeess.
Wat man ech wann ech eppes aus der Apdikt brauch?
Normalerweis as et keen Problem mat enger Lëtzebuerger Ordonnance an d’Apdikt eppes sichen ze goen, dëst funktionéiert souguer meeschtens och iwwer eng Foto um Handy. Et muss en Medikament allerdéngs selwer bezuelen, dono kann en awer Rechnung mat der Originaler Ordonnance and Krankekeess anchecken an froen fir d’Suen zeréck ze gi.
Allgemeng
Wei kommen ech op Wien?
Du kanns entweder mam Fliger, Zuch oder Auto op Wien kommen. Fliger ass warscheinlech dat deierst, mä awer och dat séierst. Du bezils als Student meschtens em dei 200-300 Euro an bass an 1h45 zu Wien.
Mam Zuch ass een bal een ganzen Dag ënnerwee an wann een frei genuch bucht, kann een Allee just circa 40€ kaschten. Du muss just 1 mol zu Koblenz ëmsteigen an do kriss de den ICE, den direkt op Wien fiert. Dëst ass och déi ëmweltfrëndlechsten Aart an Weis op Wien ze kommen.
Mam Auto bass de circa 10 Stonnen ënnerwee, et gëtt awer méi bëlleg wann s de zu puer am Auto fiers. Et get emmer rem an eiser LSW- Mitfahrzentrale op Facebook vun Leit gepost wann se fun Wien op Letzebuerg oder emgedreint mam Auto fueren, hei kann en sech och meschtens duerch en Bensinsgeld un der Rees bedelegen.
Brauch ech een Auto zu Wien?
Zu Wien brauchs du net onbedéngt een Auto. D’Verkéiersnetz an d’Velosweeer sinn sou gutt ausgebaut dass de mam Auto méi laang brauchs wei mam Vëlo oder mat der U-Bahn zum Beispill. Sie feieren dech och quasi iwwerall hin, an wann mol eng Kéier net gëtt et zu Wien och nach Carsharing, wou s de der een Auto fir eng bestëmmten Zäit lounen kanns. Ausserdeem muss de bedenken, dass de net den ganzen Dag gratis parken kanns.
Wanns du dein Auto net hei zu Wien ungemelld hues kriss du och ken Parkticket mat dems du lang derfs an enger Stross stoen bleiwen.
Wou maachen ech mir en Ticket fir den ëffentlechen Transport?
Du kanns dir iwwert d’App “Wiener Linien” en Semesterticket fir 75€ kafen. Hei muss du just oppassen dass du deng Studentekart ëmmer dobäi hues, falls du den Ticket muss virweisen.
Wei mellen ech mech zu Wien richteg un?
Du muss dech zu Wien innerhalb vun 3 Deeg beim Meldeservice umellen. Et kascht näischt sech unzemellen an du muss folgend Ënnerlagen mathuelen:
– Carte d’identité oder Pass an eventuell eng Geburtsurkunde
– Mietvertrag
– Meldezettel
Wéinst Corona kann een net ouni Rendezvous dohinner goen. Dowéinst denk drun dech am viraus iwwert alles ze informéieren, och iwwert déi néideg Ënnerlagen.
Hei fënns de déi néideg Informatiounen an Ënnerlagen, déi s de fir Umeldung brauchs.
Dono muss du banent 3 Meint bei der Ausländerbehörde passeieren, fir dech richteg hei an Eistereich unzemelden.
Wat ass GIS?
Wann s du Geräter mat „Rundfunk-Technologien“ hues, bass du an Eistreich gesetzlech verflicht „Rundfunkgebühren“ ze bezuelen. Dat ass GIS. Sie kennen och bei dech schellen kommen fir ze kontrolléieren op du zum Beispill en Fernsee hues. Allerdéngs hues du d’Rescht den Antrëtt an deng Wunneng ze verweigeren.
Hei fënns du Präisser oder och aner Informatiounen.
Hues du iegendwelch Froen zu denger Studium?
Dann fro am Beschten einfach an LSW Facebookgrupp, d’Wahrscheinlechkeet dass een dat selwescht studeiert ass relativ grouss.Du kanns eis awer och gearen iwwert eisen Instagram oder eis E-Mail schreiwen sollst du eng konkret Froo hun.