Den LSW ass den Studentencercel vun den Lëtzebuergeschen Studenten zu Wien an ass den 24. Mee 1975 gegrënnt gi. Am Moment hunn mir knapp 380 aktiv Memberen an sinn soumat een vun den gréissten lëtzebuergeschen Studentencerclen.

Eis Aufgaben sinn et déi lëtzebuergesch Studenten ze beroden, ze ënnerstëtzen an zesummen ze bréngen. Am Groussen Ganzen ass eist Ziel, déi lëtzebuergesch Studenten zu Wien am In- an Ausland ze vertrieden. Mir wëllen den Studenten zu Wien zur Säit stoen fir sech méi einfach an hierer neier Heemescht erëm ze fannen an sech besser ze intégréieren. Mir gëllen och als eng Ulafstell fir all méiglech Froen oder Problemer iwwert d’Studium oder d’Liewen zu Wien.

Fir dass déi nei Studenten an Studentinnen sech séier wuel an hirer neier Heemescht fillen, huet den LSW sech als Zil gesat ofwiesslungsräich Aktivitéiten unzebidden, déi an reegelméissegen Ofstänn iwwert ganzt Joer verdeelt sinn. Des Aktivitéiten reegen vun eiser Welcome Party am Oktober, eiser Daf am November oder eisem Intercercle „Saufest“ am Mee/Juni bis zu eisem Pubquiz oder enger ganzer Rei Sportaktivitéiten. Weider Informatiounen zu eisen Eventer fënns du hei.

Op Facebook hunn mir sëlleg Gruppen:

• Eis offiziell Facebook Säit fënns de hei.
• Du hues iergendeng Froen bezüglech dengem Studium, dem Liewen zu Wien oder soss Froen, dann kanns de gären hei op eis LSW Säit schreiwen.
• Du brauchs een Hummer oder wëlls däin Regal verkafen? Dann kanns de hei an eis LSW willhaben Grupp schreiwen.
• Du fiers mam Auto op Wien oder sichs eng Matfuergeleeënheet, dann kanns de hei an eis Mitfahrzentrale schreiwen.
• Du sichs een den mat der lafen oder Fussball spillen geet, dann kanns de hei an eis Sportsgrupp schreiwen. De Link fir eis Whatsapp Sportsgruppe fënns du op eiser Instagram Säit.

Siège social: 2, Avenue de l’Université L-4365 Esch-sur-Alzette

IBAN: LU32 0019 7055 5088 1000